وەزیری بەرگری ئیسرائیل و ڕووسیا لە مۆسکۆ کۆدەبنەوە

ئەمڕۆ پێنجشەممە،٣١ی مەی ٢٠١٨ وەزیری بەرگری ئیسرائیل " ئاڤیگدۆر لیبرمەن " ، لە گەڵ هاوتا ڕووسیەکەی، سێرگی شایگۆ لە مۆسکۆ کۆدەبێتەوە.

 ڕۆژنامەی کامرسانتی ڕووسی ئشکرای دەکات ، مۆسکۆ لەم دیدارەدا دەیەوێت ئاگاداری وردەکاریەکانی ئۆپراسیۆنی سەربازی سوپای ئیسرائیل لە باشوری سوریا بێت و بۆ ئەم مەبەستەش دەیهەوێ، لە گەڵ ئیسرائیل رێکبکەوێت.

شارەزایەکی کاروباری نێودەوڵەتی ڕووسیا بە ناوی " کریل سیمۆنۆف " ، بە کامرسانتی گوتووە، ئاشکرایە کە بەر لە دەستپێکی ئۆپراسیۆنەکانی بۆ سەر سووریا، تەل ئەڤیڤ بە نیازە هەڵوێستەکانی لە گەڵ مۆسکۆ هەماهەنگ بکات.

بە گوێرەی راپۆرتی رۆژنامەی کامرسانت ، سەرەکیترین کاری ئیسرائیل لە سووریا دوورخستنەوەی هێزەکانی ئێران و میلیشیاکانی حزبوڵڵای لوبنانە لەو ووڵاتە.