ئەمڕۆ بە هۆی بۆردوومانی فڕۆکەکانی تورکیا زیانێکی بەرفراوان گەیشتە ژینگە و سرووشتی برادۆست

پەیامی کورد  ...   ئەمڕۆ جارێکی دیکە فڕۆکە جەنگییەکانى تورکیا گوندەکانی ھەرێمی برادۆست-یان بۆردومان کرد.

بە پێی هەواڵ و زانیارییەکان سەر لە بەیانی ئەمڕۆ سێشەممە فڕۆکە جەنگییەکانى سوپاى تورکیا بۆردوومانی ناوچەکانى مەرەمەلا و پونگستا و دەراوی-یان کرد و زیانێکى زۆریان بە ژینگە و سروشتى ناوچەکە گەیاند.

بەپێی فورات نیوز، بۆردومانى فڕۆکە جەنگییەکانى تورکیا بۆ ماوەى کاتژمێر و نیوێک بەردەوامی هەبوە و فڕۆکە جەنگییەکان بۆ ماوەى ٥ کاتژمێریش بە ئاسمانى ناوچەکەدا سوڕانەوە.

لە هەرێمى برادۆست بەهۆی بۆردومانى بەردەوامى فڕۆکە جەنگییەکانى دەوڵەتى تورکیاوە زیاتر له 150 گوند و ئاوایی ئەو سنوورە ئاوەدان نەکراونەتەوە.