مەسروور بارزانی بە بۆنەی کۆچی دوایی عزەت سلێان بەگ پرسەنامەیەکی بڵاو کردەوە

پەیامی کورد ... مەسروور بارزانی بە بۆنەی کۆچی دوایی عیزەت سلێمان بەگ پرسەنامەیەکی بڵاو کردەوە

مەسرور بارزانی، سەرۆکی حکوومەتی هەرێمی کوردستان پرسەنامەیەکی بۆ کۆچی دوایی کەسایەتیی نیشتمانپەروەر و پێشمەرگە و خەباتگێڕی ناسراوی کوردستان، عیزەت سلێمان بەگ دەرگەڵەیی، بڵاوکردەوە.

دەقی پرسەنامەکە:

پەیامی سەرەخۆشی سەرۆکی حکومەتی هەرێمی كوردستان بۆ بنەماڵەی کەسایەتیی نیشتمانپەروەری کوردستان عیزەت سلێمان بەگ دەرگەڵەیی

بە داخێکی زۆرەوە هەواڵی کۆچی دوایی کەسایەتیی نیشتمانپەروەر و پێشمەرگە و خەباتگێڕی ناسراوی کوردستان (عیزەت سلێمان بەگ دەرگەڵەیی)م بیست، کە ڕۆڵێکی دیارو گرنگیی لە بزووتنەوەی ڕزگاریخوازی گەلی کوردستاندا هەبووە و هەموو تەمەنی خۆی بەخشییە شۆڕشەکانی کوردستان. پرسە و سەرەخۆشی لە بنەماڵە تێکۆشەرەکەی دەکەم و ھاوبەشی خەمیانم. خوای مەزن گیانی بە بەهەشت شاد بکات و ئارامیی و دڵنەواییش بە کەسوکارو ھەڤاڵانی ببەخشێت.

مەسرور بارزانی

سەرۆکی حکومەتی هەرێمی کوردستان