مەسروور بارزانی لە پێشوازی وەزیری پۆڵۆنیا دا ڕایگەیاند هاوکاری کردنی ئاوارەکان بۆ ئێمە ئەرکێکی پیرۆزە

پەیامی کورد ...  ئەمڕۆ چوارشەممە ١٢ی ١٢ی ٢٠١٨ سەرۆکی ئەنجوومەنی ئاسایشی کوردستان مەسروور بارزانی لە هەولێر پێشوازی کرد لە وەزیری هاوکاری مرۆیی پۆلۆنیا " بێئاتا کەمپا " هەروەها شاندی یاوەری کرد .

لە دیدارێکدا کە بێئاتا پێکسا باڵیۆزی پۆڵۆنیا لە عێراق و دۆمینیک مووشاو کونسوڵی پۆڵۆنیا لە هەولێر و زیاد ڕەئوف نوێنەری حکوومەتی هەرێمی کوردستان لە پۆڵۆنیا ئامادە بوون، وێڕای تاوتوێکردنی پەرەسەندن و ڕەوشی ناوچەکە بە گشتی گرینگی پێویستی بەدەنگەوەهاتنی زیاتری کۆمەڵگەی نێودەوڵەتی باس کرا و هاندانی زیاتری ڕێکخراوە مرۆییەکان و دەوڵەتانی جیهان بۆ هاوکاری زیاتر .

مەسروور بارزانی لەم چاوپێکەوتنەدا ئاماژەی کرد ، گەلی کورد هاوکاری و یارمەتی خۆیان بۆ ئەو کەسانەی کە کۆچبەرن و لەبەر زۆڵم و زۆر و شەڕ هەڵاتوونە و پەنایان بۆ کوردستان هێناوە ، وەکوو کارێکی پیرۆز و جێگای بایەخ زانی و داوای لە شاندی میوان کرد ، کە ئەوان پێویستیان بە هاوکاری و یارمەتی زیاتر هەیە بۆ کۆچبەران و پێویستە کۆمەڵگای نێودەوڵەتی ئەرکی خۆی زیاتر بە جێ بگەینێت .

وەزیری پۆلۆنیا ش دڵخۆشی دەربڕی لە سەردانی کردنی بۆ کوردستان و ڕایگەیاند و ووتی : سەرکەوتن و پێشکەوتن بۆ هەڵبژاردنی مەسروور بارزانی دەخوازێ بۆ هەڵبژاردنی وەکوو سەرۆکوەزیرانی کوردستان .