مەسروور بارزانی سەرۆکی حکوومەتی هەرێمی کوردستان پشتیوانی خۆی بۆ ئازادی ڕۆژنامەوانی دووپات دەکاتەوە

پەیامی کورد      ...   مەسروور بارزانی سەرۆکی حکوومەتی هەرێمی کوردستان پشتیوانی خۆی بۆ ئازادی ڕۆژنامەوانی دووپات دەکاتەوە

مەسروور بارزانی سەرۆکی حکوومەتی هەرێمی کوردستان داوا لە ڕۆژنامەوانانی کوردستان دەکات کە هاوکار و یارمەتیدەری کارنامەی حکوومەتی هەرێمی کوردستان بن بۆ چاکسازی و ڕووبەڕووبوونەوەی گەندەڵی .

ئەمڕۆ سێشەممە 13 ی نیسانی 2021 مەسروور بارزانی سەرۆکی حکوومەتی هەرێمی کوردستان ، پێشوازی لە ڕەحمان غەریب ڕێکخەری سەنتەری میترۆ بۆ داکۆکیکردن لە مافی ڕۆژنامەنووسان کرد .
لە دیدارەکەدا ، سەرۆکی حکومەت دووپاتی کردەوە ، کە بە هەموو شێوەیەک پشتگیری ئازادی ڕۆژنامەانی دەکات و پێویستە دەزگاکانی حکومەتی هەرێمی کوردستانیش،  بە پێدانی زانیاریی دروست، یارمەتیدەری کاری ڕۆژنامەوانی بن، بۆ ئەوەی ڕاگەیاندنکارانی کوردستان، پیشەییانە ئەرکەکانیان ئەنجام بدەن.
ڕێکخەری سەنتەری میترۆ وێڕای خستنەڕووی کار و چالاکییەکانی سەنتەرەکە، سوپاسی پشتیوانی سەرۆکی حکوومەتی کرد و خوازیار بوو، بە هاوکاری هەموو لایەک، ئازادی کاری ڕۆژنامەوانی و ئازادی زانیاری بەرفراوان بکرێت ، کە مەرجێکی گرینگی پێشکخستنی دیموکراسییە لە کوردستاندا.