مەسروور بارزانی سەرۆکی حکوومەتی هەرێمی کوردستان پێشوازی لە بەرپرسی ئۆفیسی یەکیتی ئەورووپا دەکات

پەیامی کورد     ...    مەسروور بارزانی  سەرۆکی حکوومەتی هەرێمی کوردستان پێشوازی لە بەرپرسی ئۆفیسی یەکیتی ئەورووپا دەکات

مەسروور بارزانی، سەرۆکی حکوومەتی هەرێمی کوردستان، ئەمڕۆ یەکشەممە (3ی تشرینی یه‌كه‌م/ ئۆکتۆبەری 2021) پێشوازی لە "ماری پارێ"، بەرپرسی ئۆفیسی یەکیتی ئەورووپا لە هەرێمی کوردستان کرد.

لە دیدارەکەدا، سەرۆکی حکوومەت پیرۆزبایی دەستبەکاربوونی لە بەرپرسی ئۆفیسی یەکیتی ئەورووپا کرد و هیوای سەرکەوتنی بۆ خواست لە ئەرکی نوێیدا.

سەرۆکی حکوومەت، ئاماژەی بە چاکسازییەکانی کابینەی نۆیەمی حکوومەتی هەرێمی کوردستان کرد لە هەمەجۆرکردنی سەرچاوەکانی داهات و بنیاتنانی ژێرخانێکی بەهێزی ئابووری و کارکردن لە پێناو خزمەتکردنی زیاتری هاووڵاتیان و ئەنجامدانی پڕۆژەی گرینگ و ستراتیژی لە سەرجەم ناوچەکانی هەرێمی کوردستان بە بێ جیاوازی.

بەرپرسی ئۆفیسی یەکیتی ئەورووپا لە هەرێمی کوردستان، ئامادەیی یەکیتی ئەورووپا ی بۆ هاوکاریکردن و هەماهەنگیکردن لە گەڵ حکوومەتی هەرێمی کوردستان و پەرەپێدانی هەمەلایەنەی پەیوەندییەکان دەربڕی. 

هەڵبژاردنەکانی ئەنجوومەنی نوێنەرانی عێراق و میکانیزمەکانی چاودێریکردنی پرۆسەی هەڵبژاردن و  پەیوەندییەکانی نێوان هەرێمی کوردستان و حکوومەتی فیدراڵی، تەوەرێکی دیکەی گفتوگۆکان بوو.