ئەمریکا: دژی ئێران هێزمان لە شنگال دانەناوە
هاوپەیمانی دژی داعش بە سەرۆكایەتی ئەمریكا، لهڕوونكردنهوهیهوكدا ڕایگەیاند، جوڵاندنی هێزەكانی بەرەو شەنگال دژی ئێران نییە و بنکەی سەربازی هەمیشەیی لە قەزاکەدا دانامەزرێنین.
بەرپرسێکی سەربازی هاوپەیمانی نێودەوڵەتی دژ بە داعش ڕایگەیاند، ئامانج لە جێگیرکردنی هێزێکی ئەمریکی لە قەزای شەنگال پشتیوانیکردنە لە شەڕی دژ بە داعش لە عێراق و سوریا و بنکەی سەربازی هەمیشەیی لە قەزاکەدا دانامەزرێنن.
تۆماس ڤێڵ بەرپرسی پەیوەندییەکانی دەرەوەی هاوپەیمانی نێودەوڵەتی بە ماڵپەڕی The Regionی ڕایگەیاندووە: هێزەکانی هاوپەیمانان لە نزیکەوە لەگەڵ عێراقی هاوپەیمانیدا هەماهەنگی دەکەن بۆ قۆناغی داهاتووی ئۆپراسیۆنی دژ بە داعش لەسەر سنوری نێوان عێراق و سوریا و ڕۆژهەڵاتی دۆڵی فوڕات، بۆ تێکشکاندنی ئەو چەکدارانەی داعش کە لەو ناوچەیەدا ماون".
ڕاشیگەیاندووە: هیچ پلانێک نیە بۆ پێکهێنانی بنکەی سەربازی هەمیشەیی ئەمریکا یان هاوپەیمانان لە عێراق و سوریا و سەرجەم بنکە سەربازییەکان کاتین و هەریەکەو بۆ ئەرکێکی تایبەتی لە شەڕی دژ بە داعشدا دروستکراون.
ئاماژەی بەوەش کردووە هەموو بنکە سەربازییەکانیان لە عێراق لە ژێر کۆنتڕۆڵی حکومەتی عێراقدان و لەلایەن هێزە ئەمنییەکانی ئەو وڵاتەوە بەڕێوەدەبرێن.
ڤێل هەروەها دەڵێت: جوڵاندنی ئەو هێزە بۆ شەنگال بۆ هەمیشە نییەو بەهیچ شێوەیەك دژی ئێرانیش ئەو هێزانەمان لەوێ دانەناوە.
وتیشی: ئێمە لە رۆژی دەستپێكردنی ئەو ئۆپەراسیۆنە كە لە 1ی مانگی رابردوەوە دەستمان پێكردووە بە روونی ئەوەمان ئاشكرا كردووەو شتێك بەناوی بنكەی هەمیشەیی ئەمریكا لەو ناوچەیە نییە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە