نێچیرڤان بارزانی سهرۆكى ههرێمى كوردستان لهگهڵ باڵیۆزى بهریتانیا كۆبووهوه
پەیامی کورد ... نێچیرڤان بارزانی سهرۆكى ههرێمى كوردستان لهگهڵ باڵیۆزى بهریتانیا كۆبووهوه
ههینى 2023/11/10 نێچیرڤان بارزانى، سهرۆكى ههرێمى كوردستان، پێشوازى له ستیڤن چارڵز هیچن باڵیۆزى بهریتانیا له عێراق كرد.
له كۆبوونهوهیهكدا برهودان به پهیوهندییهكانى بهریتانیا لهگهڵ عێراق و ههرێمى كوردستان، پهیوهندییهكانى ههولێر ـ بهغدا و گفتوگۆى چارهسهركردنى كێشهكانى نێوانیان و دۆخى ناوخۆى ههرێمى كوردستان تاوتوێ كرا و دهبارهى دوایین پێشهاتهكانى دۆخى ئاڵۆزى ناوچهكه، بیروڕایان گۆڕییهوه.
ههردوولا دوایین كۆبوونهوهى پارتى دیموكراتى كوردستان و یهكیتی نیشتمانی كوردستانیان به ئهرێنى ههڵسهنگاند، ههروهها جهختیان له گرینگی بهردهوامی گفتوگۆى ههولێر ـ بهغدا بۆ چارهسهركردنى كێشهكانیان كردهوه و لهمبارهیهوه ئاماژهیان به سهردانى دوێنێى سهرۆك وهزیرانى عێراقى فیدراڵى بۆ ههرێمى كوردستان كرد.
له تهوهرێكى دیكهى كۆبوونهوهكهدا باسیان له كاریگهرى و ئهگهرهكانى بهردهم ئاڵۆزییهكانى ڕۆژههڵاتى ناوهڕاست كرد و لهمبارهیهوه ههردوولا هاوڕا بوون لهسهر ئهوهى پێویسته ئارامى و سهقامگیری ناوچهكه بپارێزرێت و ڕێگه نهدرێت عێراق ببێته بهشێكى كێشه و ئاڵۆزییهكان.
پاراستنى سهلامهتی هێزهكانى هاوپهیمانان له عێراق، پهیوهندییهكانى عێراق و ههرێمى كوردستان لهگهڵ ووڵاتانى دراوسێ و ناوچهكه و چهند پرسێكى جێى بایهخى هاوبهش، لایهنێكى دیكهى كۆبوونهوهكه بوون.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە