داهاتی نەوتی مانگی رابردووی عێراق ئاشكراكرا

پەیامی کورد... داهاتی نەوتی مانگی رابردووی عێراق ئاشكراكرا


وەزارەتی نەوتی عێراق رایدەگەیەنێت، لە مانگی 10ی ئەمساڵدا زیاتر لە 104 ملیۆن بەرمیل نەوتی خاوی هەناردە كردووە و داهاتی ئەو نەوتەش زیاتر لە نۆ ملیار دۆلار بووە.

وەزارەتی نەوتی عێراق لە راگەیەنراوێكدا رایگەیاندووە "بەپێی ئاماری كۆمپانیای فرۆشتنی نەوتی خاوی عێراق - سۆمۆ، بڕی نەوتی خاوی هەناردەكراو لە مانگی تشرینی یەكەمی رابردوودا گەیشتووەتە 104 ملیۆن و 831 هەزار و 120 بەرمیل نەوت؛ داهاتی ئەو نەوتەش گەیشتە نۆ ملیار و 281 ملیۆن و 647 دۆلار."

هەر بەپێی راگەیەندراوەكە "تێكڕای نەوتی خاوی هەناردەكراو لە كێڵگەكانی نێوەڕاست و باشووری عێراق لە مانگی رابردوودا گەیشتە 102 ملیۆن و 70 هەزار و 427 بەرمیل، هاوكات هەناردەی نەوتی خاو لە كێڵگەكانی كەركووكەوە بۆ بەندەری جەیهان لە توركیا گەیشتە دوو ملیۆن و 417 هەزار و 893 بەرمیل."

وەزارەتی نەوتی عێراق دەڵێت، "هەر بەرمیلێكی ئەو نەوتە بە (88،539) دۆلار فرۆشراوە."