نرخی نەوت لە بازاڕەکانی جیهاندا

پەیامی کورد     ...    بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ سێشەممە ٠٥ی ٠٥ی ٢٠٢٠ نرخی نەوت لە بازاڕەكانی جیهاندا بەرزبونەوەی بەخۆیەوە بینی و خاوی برێنت لە سەروو ٢٨ دۆلارەوە مامەڵەی پێوەدەكرێت.
بە پێی راپۆرتە ئابوورییەكان، بەیانی ئەمڕۆ سێشەممە نرخی یەك بەرمیل نەوتی خاوی برێنت لە بازاڕەكانی جیهاندا بە ٢٨ دۆلار و ٣١ سەنتەوە مامەڵەی پێوەكراوە.
هاوكات نرخی‌ بەرمیلێك نەوتی خاوی ڕۆژئاوای تەكساسی ئەمریكاش گەیشتوەتە ٢١ دۆلار و ٦٦ سەنت.
بەهۆی قەیرانی ئابووری سەردەمی كۆرۆنا و كەمبونەوەی بەرچاوی داواكاری لەسەر نەوت، نرخەكەی لە جیهاندا دابەزینی گەورەی بەخۆیەوە بینیوە و ئەو ووڵاتانەی ئابورییەكەیان پشت بە هەناردەی نەوت دەبەستێت، گەورەترین زەرەرمەندن و داهاتیان لە سفر نزیكبووتەوە.