وەفدی هاوبەشی پارتی، یەکێتی و گۆڕان کۆ دەبنەوە

پەیامی کورد ... وەفدی هاوبەشی پارتی، یەکێتی و گۆڕان کۆ دەبنەوە

وابڕیارە ئەمڕۆ سێشەممە ٨ی کانوونی یەکەمی ٢٠٢٠، شاندی باڵای پارتی دیموکراتی کوردستان و یەکێتی نیشتیمانی کوردستان و بزووتنەوەی گۆڕان لە شاری ھەولێر كۆبنەوە.

مەحمود محەمەد وتەبێژی پارتی رایگەیاند، بەیانیی ئەمڕۆ سێشه‌ممه‌ 8-12-2020 لە باره‌گای سەرۆکایەتیی ھەرێم له‌ هه‌ولێر، شاندی باڵای پارتی و یەکێتی و گۆڕان کۆدەبنەوە.

بەپێی زانیارییەكان، کۆبوونەوەکە بۆ گفتوگۆکردنە لەسەر دۆخی سیاسیی عێراق و ھەرێمی کوردستان و گفتوگۆکانی نێوان ھەولێر و بەغدا، بە تایبەت لە بارەی پڕۆژەیاسای بودجەی ساڵی 2021.