وێنەی هونەرمەند "حەسەن زیرەک" کرا بە تەمر

پەیامی کورد ... وێنەی هونەرمەند "حەسەن زیرەک" کرا بە تەمر

وێنەی هونەرمەند "حەسەن زیرەک" هوونەرمەندی ناوداری کورد بۆ یەکەمجار لە سەر تەمری شەریکەی پۆستی ئێران دانرا.

مێژووی پۆست لە ئێران بۆ سێ هەزار ساڵ پێش دەگەڕێتەوە و ئەوە یەکەم جارە وێنەی هوونەرمەندێکی کورد لە سەر تەمر دادەندڕێ.

هونەرمەند "حەسەن زیرەک" لەدایکبووی شاری "بۆکان" سەربە پارێزگای "ورمێ"ـیە و لە ماوەی تەمەنیدا خزمەتێکی زۆری بە هونەری کوردی کردووە.

"حەسەن زیرەک" جیا لە زمانی کوردی بە زمانی "تورکی و فارسیـ"ـش گۆرانی وتووە و جگە لە ڕۆژهەڵات بۆ ماوەیک لە باشوور ژیانی کردووە.