وێستگەی کارەبای خەبات دەست بە کار دەکات

پەیامی کورد    ...   وێستگەی کارەبای خەبات دەست بە کار دەکات .

بەڕێوبەری گشتی كارەبای هەولێر گوتی، بڕیارە وێستگەی كارەبای ھەڵمی خەبات لە چەند رۆژی داھاتوودا بكەوێتە كار، كە ٣٠٠ مێگاوات كارەبا بەرھەم دەھێنێت.

حسێن حەمەد، بەڕێوبەری گشتی كارەبای هەولێر رایگەیاند: "تیمێكی كۆریایی سەرپەرشتی درووستكردنی وێستگەی ھەڵمی خەبات دەكەن، كە ئێستا گەڕاونەتەوە بۆ ھەرێمی كوردستان و وێستگەكەش تەواو بووە، تەنھا ماوە بكەوێتە كار، بۆیە ئێستا ئەو تیمە ئامادەكاری دەكەن بۆ ئەوەی تا ٢٠ی ئەم مانگە بخرێتە كار، چوونكە ئامادەیە بۆ كاركردن".

حەمەد گوتیشی: "زیادبوون و بەرھەمھێنانی ٣٠٠ مێگاواتی دیكەی كارەبا، دەبێتە ھۆی ئەوەی کاتژمێرەکانی پێدانی كارەباش  زیاتر بن، بۆیە لە ھەوڵداین لە وەرزی ھاویندا بە ھۆی زیادبوونی خواست لەسەر كارەبا، بەرھەمھێنانی كارەبا زیاتر بكەین".