وەزارەتی دارایی حکوومەتی هەرێم بڕیارێکی گرینگی بۆ دەروازە سنوورییەکان دەرکرد

پەیامی کورد    ...   وەزارەتی دارایی حکوومەتی هەرێم بڕیارێکی گرینگی بۆ دەروازە سنوورییەکان دەرکرد .

به‌پێی بڕیارێكی وه‌زاره‌تی دارایی حكومه‌تی هه‌رێم، چیتر له‌ ده‌روازه‌ سنوورییه‌ نێوده‌وڵه‌تیه‌كان، بۆ هاورده‌كردنی خۆراك و ده‌رمان كار به‌ به‌ڵێننامه‌ ناكرێت و پشكنینی تاقیگه‌یی ئه‌نجامده‌درێت.
له‌و باره‌یه‌وه‌ راگه‌یاندن و په‌یوه‌ندییه‌كانی كۆمه‌ڵگای ده‌روازه‌ی نێوده‌وڵه‌تی حاجی ئۆمه‌ران، ئاگاداری گشت كۆمپانیاكان و بازرگانان و ده‌رهێنه‌رانی گومرگی و شۆفێری بارهه‌ڵگره‌كان ده‌كاته‌وه‌، به‌ پێی بڕیاری به‌ڕێوه‌به‌رایه‌تی گشتی گومرگ له‌ وه‌زاره‌تی دارایی و ئابووری حكومه‌تی هه‌رێم، هه‌موو ئه‌و خۆراك و داوده‌رمانانه‌ی هاورده‌ی هه‌رێم ده‌كرێن، باره‌كان له‌ ده‌روازه‌ سنوورییه‌كان راده‌گیرێن تا  ئه‌نجامی پشكنینی تاقیگه‌یی ده‌رده‌چێت.
ئاماژه‌ به‌وه‌كراوه‌، به‌پێی بڕیاره‌كه‌ی وه‌زاره‌تی دارایی چیتر كار به‌ به‌ڵێننامه‌ ناكرێت.