وەزارەتی دارایی و ئابووری هەرێمی کوردستان خشتەی نوێی دابەش کردنی مووچەی ڕاگەیاند

پەیامی کورد     ...    وەزارەتی دارایی و ئابووری هەرێمی کوردستان خشتەی نوێی دابەش کردنی مووچەی ڕاگەیاند

وه‌زاره‌تی دارایی و ئابووری حكوومه‌تی هه‌رێم رایگه‌یاند، سبه‌ی چوارشه‌ممه‌ ده‌ست به‌ دابه‌ش كردنی مووچه‌ی مانگی (كانوونی دووه‌م/١)ی ٢٠٢٢ی  وەزارەتی داد و ئەنجوومەنی دادوەری ده‌كرێت.

به‌گوێره‌ی ئه‌و زانیارییه‌كان، وه‌زاره‌تی دارایی و ئابووری هه‌رێمی كوردستان گه‌نجینه‌كانی ئاگادار كردوه‌ته‌وه‌ كه‌ سبه‌ی چوارشه‌ممه‌ ده‌ست به‌دابه‌ش كردنی مووچه‌ی وەزارەتی داد و ئەنجوومەنی دادوەری بكه‌ن به‌هه‌مان میكانیزمی مانگه‌كانی رابردوو.

رۆژی سێشه‌ممه‌ ٢٥-١-٢٠٢٢ ، وه‌زاره‌تی دارایی هه‌رێم ده‌ستی به‌ دابه‌شكردنی مووچه‌ی مانگی یه‌كی فه‌رمانبه‌رانی هه‌رێم كرد به‌بێ لێبڕین، ئه‌مڕۆ و دوێنێ مووچه‌ی وه‌زاره‌تی كارو كاروباری كۆمه‌ڵایه‌تی و چاودێری خێزان دابه‌شكرا.

ئەمە لە حاڵێکدایە کە پێشتر فارس عیسا، نوێنه‌ری حكوومه‌تی هه‌رێمی كوردستان له‌ به‌غدا ڕایگه‌یاند، "له‌سه‌ر بنه‌مای ئه‌و ڕێككه‌وتنه‌ی ئێستا له‌ نێوان به‌غدا و هه‌ولێردا هه‌یه‌، ناردنی ٢٠٠ ملیار دیناره‌كه‌  به‌پێی پرۆژه‌یاسای نوێی دارایی (بوودجه‌ی ساڵی داهاتوو) به‌ هه‌مان شێوه‌ی‌ ئێستا به‌رده‌وام ده‌بێت تا په‌سه‌ندكردنی پرۆژه‌یاسای ساڵی ٢٠٢٢ ".