وەزارەتی ئەوقاف سەبارەت بە یەکەم رۆژی جەژن ڕاگەێندراوێک بڵاو دەکاتەوە

پەیامی کورد      ...   وەزارەتی ئەوقاف سەبارەت بە یەکەم رۆژی جەژن ڕاگەێندراوێک بڵاو دەکاتەوە

ووتەبێژی وەزارەتی ئەوقاف رایدەگەینێت، بۆدیاریکردنی یەکەم رۆژی جەژن پشت بە هیچ ووڵاتێک نابەستن و جەختیشدەکاتەوە ئێوارەی رۆژی شەممە بڕیار لەبارەی دیاریکردنی یەکەم رۆژی جەژن دەدرێت.

نەبەز ئیسماعیل ووتەبێژی وەزارەتی ئەوقافی هەرێم بڵاویکردوەتەوە،" بۆدیاریکردنی یەکەم رۆژی جەژنی رەمەزان پشت بە هیچ ووڵات و دەزگایەکی فەلەکی نابەستین،  پەیوەندیمان لەگەڵ وەقفی سوننی عێراق هەیە و کۆبوونەوەی بەردەواممان لەگەڵ ئەوان ھەیە، بڕیاری تایبەت بە خۆمان ھەیە و پشت بە خۆمان و بەڵگە شەرعییەکانی خۆمان دەبەستین".

روونیشیکردەوە،"ئەوەی دەگوترێت فڵانە ڕۆژ جەژنە ڕاست نییە، چوونکە ئێمە پشت بە بەڵگە شەرعییەکان دەبەستین، نەک ئەوەی باسی لێوە دەکرێت، فەلەکناسییە یان شوێنی دیکە و لیژنەی باڵای بینینی مانگ بڕیار دەدات، بۆ ئەمساڵیش تائێستا دیارنییە، ئەم مانگە سی ڕۆژ دەبێت، یان بیست و نۆ ڕۆژ".

جەختیشیکردەوە،"ڕۆژی شەممە لیژنەی باڵای بینینی مانگ لە دیوانی وەزارەتی ئەوقاف بە ھەماھەنگی لەگەڵ لیژنە لاوەکییەکان لە پارێزگاکان بۆ دیاریکردنی ڕۆژی جەژن کۆ دەبێتەوە و ئەگەر مانگ بیندرا، ڕۆژی یەکشەممە دەبێتە جەژن و ئەگەر نەبیندرا مانگی ڕەمەزان سی ڕۆژ دەبێت و ڕۆژی دووشەممە دەبێتە جەژن".