ڕێگاوبانەکان پێش هاتنی زستان لە لایەن حکوومەتی هەرێمەوە نۆژەن دەکرێتەوە

پەیامی کورد    ...    حکوومەتی هەرێمی کوردستان پارەی بۆ نۆژەنکردنەوەی رێگاوبانەکانی هەرچوار پارێزگاکە تەرخانکردووە، کە بڕیارە لە ماوەی دوو مانگی دابێت سەرجەم رێگاوبانەکان نۆژەن بکرێنەوە.

جوتیار عادل ووتەبێژی فەرمی حکوومەتی هەرێمی کوردستان ، رایگەیاند : کە بە فەرمانی سەرۆکی حکوومەتی هەرێمی کوردستان، بڕی ٣٣ ملیار و ٨٧٦ ملیۆن دینار بۆ نۆژەنکردنەوەی رێگاوبانی هەرچوار پارێزگاکەی هەرێم تەرخانکراوە.

ناوبراو جەختیشی لەوە کردەوە، کە بەر لە هاتنی وەرزی زستان و بە ماوەی دوو مانگ و نیو نۆژەنکردنەوەی رێگاوبانەکان جێبەجێ دەکرێن.