کونسوڵی بەریتانیا لە هەولێر لەبارەی هێرشە مووشەکییەکەوە هەڵوێستی خۆی ڕاگەیاند

پەیامی کورد... کونسوڵی بەریتانیا لە هەولێر لەبارەی هێرشە مووشەکییەکەوە هەڵوێستی خۆی ڕاگەیاند

کونسوڵی بەریتانیا لە شاری هەولێر، ئیدانەی هێرشکردنە سەر هەولێر دەکات و بە بێ مانا وەسفی دەکات.

لەمبارەیەوە دەیڤید هانت کونسوڵی بەریتانیا لە شاری هەولێر لە تویتێکدا لە تۆڕی کۆمەڵایەتی تویتەر بە توندترین شێوە ئیدانەی هێرشەکەی شەوی ڕابردووی کرد بۆ سەر هەولێر و ڕایگەیاند: "شانشینی یەکگرتوو لە بەرامبەر هێرشکارییەکاندا هەمیشە لەگەڵ هاوپەیمانەکانیدا دەبێت.

ئەوەشی خستە ڕوو کە هیچ پاساوێک نییە بۆ ئەنجامدانی کردەیەکی توندوتیژی هێندە بێ مانا.