ئەردۆغان: دەستمان کردووە بە دروستکردنی خانوو لە باکوری سوریا بۆ گەڕانەوەی ئاوارەکان

پەیامی کورد- دیمەشق
ڕەجەب تەیب ئەردۆغان، سەرۆککۆماری تورکیا دوێنێ یەکشەممە ڕایگەیاند، وڵاتەکەی خەریکی دروستکردنی خانووبەرە لە باکوری سوریا، ئاماژەی بەوەشکرد، "گەڕانەوەی پەنابەرانی پەرشوبڵاوی جیهان خێراتر دەبێت لەگەڵ دامەزراندنی سەقامگیری و ئاشتی لە سوریا".
وتیشی: "ژمارەی ئەو پەنابەرە سووریانەی لە ساڵی 2016ەوە گەڕاونەتەوە گەیشتووەتە 1,290,000".
گوتیشی: "سەیرکەن ئێستا لە کوێین، ئایا سزاکان لەسەر سوریا هەڵگیراون؟ بەڵێ لابراون، چی ڕوودەدات و چی لە داهاتوودا لە سیاسەتدا ڕوودەدات؟ مەسەلەکە پەیوەندی بە دیدگاوە هەیە، ئەوەی دیدگای هەبێت دەتوانێت کێشەکان چارەسەر بکات، هەرکەسێکیش کەمی هەبێت، توانای بەڕێوەبردنی هیچ شتێک نییە".