لە سنووری بانە کۆڵبەرێک کوژرا و ٤ دیکەش بریندار بوون

پەیامی کورد... لە سنووری بانە کۆڵبەرێک کوژرا و ٤ دیکەش بریندار بوون

هێزە چەکدارەکانی ئێران لە سنووری سەرتەزێنی شاری بانە کاتژمێر ٣ی بەرەبەیانی چوارشەممە ٥ی گەلاوێژی ٢٧٢٢ (٢٧ی جولای ٢٠٢٢) تەقەیان لە ژمارەیەک کۆڵبەر کردووە و لە ئاکامی ئەو دەستڕێژەدا کۆڵبەرێک بە ناوی شێرکۆ چاوشینی تەمەن ٣٥ ساڵ و خەڵکی گوندی ورچەکی بانە کوژرا.

هەنگاو ڕایگەیاندووە کە شێرکۆ چاوشینی خێزاندار و باوکی منداڵێکە.

لە ئاکامی ئەو دەستڕێژەدا ٤ کۆڵبەری دیکە بە ناوەکانی بێهزاد خەڵکی مەریوان، محەممەد خەڵکی سەقز، هەژار خەڵکی بانە و دانا شەعبانی خەڵکی بانە لاقیان بە سەختی بریندار بووە.

یەکێک لە کۆڵبەرەکانوت: "ئەم پێنج کۆڵبەرە سەرجەمیان لەلایەن یەکێک لە فەرماندەکانی هەنگی سنووری بە نازناوی (قوچانی) داونەتە بەر دەستڕێژ و بوونەتە قوربانی".

سەرچاوەکانی هەنگاو ڕایانگەیاندووە کە ئەم چوار کۆڵبەرە لاقیان پێکراوە و ئێستا لە نەخۆشخانەی سەلاحەدینی ئەیووبی شاری بانە لەژێر چاودێریی پزیشکیدان.