سەرۆکی حکوومەتی هەرێمی کوردستان بە سەردانێکی فەرمی گەیشتە بەلجیکا

پەیامی کورد … سەرۆکی حکوومەتی هەرێمی کوردستان بە سەردانێکی فەرمی گەیشتە بەلجیکا

سەرۆکی حکوومەتی هەرێمی کوردستان،  بە یاوەری شاندێکی حکوومی و بە سەردانێکی فەرمی ، گەیشتە بروکسلی پایتەختی بەلجیکا و له‌گه‌ڵ به‌رپرسانی باڵای ئه‌و وڵاته‌دا كۆ ده‌بیته‌وه‌.

ئەمڕۆ چوارشەممە ٩ ی حوزەیرانی ٢٠٢١، مەسرور بارزانی، سەرۆکی حکوومەتی هەرێمی کوردستان، بە یاوەری شاندێکی حکوومی و بە سەردانێکی فەرمی، گەیشتە بڕۆکسلی پایتەختی بەلجیکا.

سەرۆکی حکوومەت لەو سەردانەدا، لە گەڵ بەرپرسانی باڵای بەلجیکا کۆدەبێتەوە و گفتوگۆ دەربارەی پەرەپێدانی پەیوەندییەکانی نێوان هەرێمی کوردستان و بەلجیکا و بەردەوامبوونی هاوکاری و هەماهەنگیی هێزەکانی هاوپەیمانان لە گەڵ پێشمەرگە بۆ ڕووبەڕووبوونەوەی تیرۆر دەکرێت.

شاندی یاوەری سەرۆکی حکوومەت پێک هاتوون لە دارا ڕەشید، وەزیری پلاندانان و سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان.