ئەردۆغان: خەریکە شوێنێک نامێنێت بەناوی غەززە

پەیامی کورد... ئەردۆغان: خەریکە شوێنێک نامێنێت بەناوی غەززە


سەرکۆماری تورکیا، ڕایگەیاند: "تا ئێستا ١٣ هەزار فەڵەستینی لە ژن و منداڵ و کەسی بەتەمەن شەهیدكراون، ئیدی خەریکە شوێنێک نامێنێت بەناوی غەززە، هەموو لایەک تەختی زەوی بووە".

ڕەجەب تەیب ئەردۆغان سەرکۆماری توركیا ڕایگەیاند بە ڕوون و ئاشکرایی قسە دەکەم، چونکە ڕۆژی ٧ی تشرینی یەکەم وەک دەستپێکێکی مێژوویی باس دەکرێت. هیچ باس لە قۆناغی دوای ٧ی تشرینی یەکەم ناکرێت، تا ئێستا ١٣ هەزار فەڵەستینی لە ژن و منداڵ و کەسی بەتەمەن شەهیدكراون.

ئاماژەی بەوەشكرد، ئیدی خەریکە شوێنێک نامێنێت بەناوی غەززە، هەموو لایەک تەختی زەوی بووە، لە ئێستادا هەڵدەستن و دادەنیشن باس باسی حەماسە، حەماس وا، حەماس وا... ئایا چەک و هێزی حەماس، بەراورد دەکرێت بە چەک و هێزی ئیسرائیل؟ ئایا لە ئێستادا ئیسرائیل چەکی ئەتۆمی هەیە؟ هەیەتی، بەڵام ئەگەر ئەمە لە ئیسرائیل بپرسن، ناتوانێت بڵێت 'هەمە'، چونکە ئەوانە زۆر باش درۆ کردن دەزانن.

ڕاشیگەیاند: "ئەگەر بە دەست و قۆڵ و زمان بەستراوی بمێنینەوە، مێژوو لە بیرمان ناکات. پێویستە جەنگی ئیسرائیل-فەڵەستین لە ناو دەروونی قەرزداریدا هەڵبسەنگێندرێت. من ئاسوودە قسە دەکەم، چونکە ئێمە قەرزداری ئیسرائیل نین. ئەگەر قەرزداربین ناتوانین ئەوەندە ئاسوودە قسە بکەین، بەڵام ئەوانەی قەرزدارن، ناتوانن ئاسوودە قسە بکەن.