ڕاپۆرتی سێیەمی چاکسازی ڕەوانەی پەرلەمان دەکرێت

پەیامی کورد      ...    ڕاپۆرتی سێیەمی چاکسازی ڕەوانەی پەرلەمان دەکرێت

جێگری سەرۆکی لیژنەی نەزاھە لە پەرلەمانی کوردستان ووتی، ڕاپۆرتی سێیەمی چاکسازی حکوومەت ئەم مانگە ڕەوانەی پەرلەمانی دەکرێت و ووردەکاری باشی تێدایە .

جێگری سەرۆکی لیژنەی نەزاھە لە پەرلەمانی کوردستان، سەعید ھەرکی،  ووتی: ''حکوومەتی ھەرێمی کوردستان بڕیاری داوە پێش سەری ساڵ و لەم مانگەوە ڕاپۆرتی سێیەمی چاکسازی بۆ پەرلەمانی کوردستان ڕەوانە بکات، بۆ ڕوونکردەوەی ئەوەی کە لە ماوەی مانگەکانی ڕابردوودا چ ھەنگاوێکیان ناوە لەبارەی جێبەجێکردنی یاسای چاکسازی، چوونکە لە ماوەی ڕابردوودا لەبارەی ھەنگاوەکان دوو ڕاپۆرتیان بۆ ئێمە ڕەوانە کردبوو و بڕیار دراوە ھە سێ مانگ جارێک ڕاپۆرتێک ڕەوانە بکەن.''

سەعید ھەرکی ووتیشی: ''ڕاپۆرتی ئەم جارەی چاکسازی حکوومەتی ھەرێمی کوردستان زۆر گرینگە و ووردەکاری زۆر باشی تێدایە و چاوەڕێ دەکرێت بگاتە پەرلەمان و ئەوکات تەواوی ووردەکارییەکان دەخرێتە ڕوو کە حکوومەتی ھەرێمی کوردستان چ ھەنگاوێکی ناوە، چوونکە ئەمساڵ حکوومەت ھەنگاوی زۆر باشی ناوە لە بواری چاکسازی و بەردەوامیش دەبێت تا یاساکە بەتەواوی جێبەجێ دەکرێت''.