سەرۆک بارزانی پەیامێکی بە بۆنەی جەژنی قەوڵتاسەوە بڵاو کردەوە

پەیامی کورد ... سەرۆک بارزانی پەیامێکی بە بۆنەی جەژنی قەوڵتاسەوە بڵاو کردەوە

سەرۆک بارزانی پەیامێکی پیرۆزبایی بە بۆنەی هاتنەوەی جەژنی سێ شەوەی یاران (جەژنی قەوڵتاس)ـی كاكەییەكان ئاراستەی خوشك و برایانی كاكەیی كوردستان کرد.

دەقی پەیامەکە:

بەناوی خودای بەخشندە و میهرەبان

بە بۆنەی هاتنەوەی جەژنی سێ شەوەی یاران (جەژنی قەوڵتاس)ـی كاكەییەكان پیرۆزباییەكی گەرم لە خوشك و برایانی كاكەیی كوردستان دەكەم. هیوادارم هەموو جەژنەكانیان لە ئاسوودەیی و ئارامیدا بكەنەوە و هەردەم دوور بن لە ناخۆشی و كۆتایی بەو ئێش و ئازارانە بێت كە لە ماوەی ڕابردوودا خوشك و براییە كاكەییەكانمان و پێكهاتەكانی تر لە دەست تیرۆریستان بینیویانە.

هیوای خۆشی و كامەرانیتان بۆ دەخوازم

مسعود بارزانی

٢٧ـی کانوونی دووەمی ٢٠٢١