سەرۆک بارزانی و سکرتێری حیزبی شیوعیی عێراق دوایین پێشهاتەکان تاوتوێ دەکەن

پەیامی کورد... سەرۆک بارزانی و سکرتێری حیزبی شیوعیی عێراق دوایین پێشهاتەکان تاوتوێ دەکەن

سەرۆک بارزانی پێشوازیی لە شاندێکی باڵای حیزبی شیوعیی عێراق دەکات و تاوتوێی بارودۆخی عێراق دەکەن.

بەپێی ڕاگەیەندراوێکی بارەگای بارزانی، ئەمڕۆ شەممە 19-2-2022، لە سەڵاحەدین سەرۆک مەسعوود بارزانی پێشوازی لە شاندێکی باڵای حیزبی شیوعیی عێراق بە سەرۆکایەتی ڕائید فەهمی، سکرتێری ئەو حیزبە کردووە.

لە دیدارەکەدا، سەرۆک بارزانی و ڕائید فەهمی گفتوگۆیان لەبارەی بارودۆخی سیاسیی عێراق و دوایین پێشهاتەکانی ناو پرۆسەی سیاسی، کردووە.

لە بەشێکی دیکەی دیدارەکەدا، سەرۆک بارزانی و ڕائید فەهمی ئاماژەیان بە بڕیارەکانی دادگای باڵای فیدراڵیی عێراق و کاریگەریی ئەو بڕیارانە لەسەر دۆخی گشتیی عێراق، کردووە.