سەدان ئاوارەی دیکەی عێراقی بۆ زێدی خۆیان گەڕانەوە

بەوتەی نوێنەری وه‌زاره‌تی كۆچ و كۆچبه‌رانی عێراق لەهەرێم، سه‌دان ئاواره‌ی دیکە بۆ ناوچه‌كانی سه‌ر به‌پارێزگای ئه‌نبار گەڕاونەتەوە.

له‌راگه‌یاندراوێكدا نوێنه‌ری وه‌زاره‌تی كۆچ و كۆچبه‌رانی عێراق له‌هه‌رێمی كوردستان بڵاویكرده‌وه‌، کە نزیكه‌ی (٦٠٠) ئاواره‌، كه‌ له‌شاری هه‌ولێر نیشته‌جێ كرابوون، بۆ ناوچه‌كانی خۆیان له‌پارێزگای ئه‌نبار گه‌ڕاونه‌ته‌وه‌.

ئاماژەبەوەشکراوە، کە پڕۆسه‌ی گه‌ڕانه‌وه‌ی ئاواره‌كان به‌ هه‌ماهه‌نگی له‌گه‌ڵ وه‌زاره‌تی گواستنه‌وه‌و گه‌یاندنی عێراق ئه‌نجامدراوه‌.

جەختیشکراوەتەوە وه‌زاره‌تی كۆچ و كۆچبه‌رانی عێراق به‌رده‌وام ده‌بێت له‌ پێشكه‌شكردنی كارئاسانی بۆ گه‌ڕانه‌وه‌ی سه‌رجه‌م ئاواره‌كان، بۆ زێدی خۆیان.