کەش و هەوای هەرێمی کوردستان بەم شێوەیە گۆرانکاری بەسەردا دێت

پەیامی کورد   ...  کەش و هەوای هەرێمی کوردستان بەم شێوەیە گۆرانکاری بەسەردا دێت

شاره‌زایه‌كی بواری كه‌شناسی رایگه‌یاند، ئه‌و شه‌پۆلی بارانبارینه‌ی ئێستا ناوچه‌كانی گه‌رمیانی گرتوه‌ته‌وه‌، دره‌نگانی ئه‌مشه‌و كاریگه‌رییه‌كه‌ی له‌سه‌ر ناوچه‌كانی سلێمانی و هه‌ڵه‌بجه‌ و كه‌ركووك زیاتر ده‌بێت و به‌فربارینیش ده‌ست پێده‌كات، نیوه‌ڕۆی سبه‌ی یه‌كشه‌ممه‌ش كۆتایی دێت.
شاڵاو هیدایه‌ت شاره‌زای بواری كه‌شناسی له‌ ڕاگه‌ێندراوێكدا رایگه‌یاندوه‌، "ئێستا شه‌پۆلی بارانبارین له‌ته‌واوی ناوچه‌كانی باشووری گه‌رمیان و خۆرهه‌ڵات و زۆرینه‌ی ناوه‌ڕاستی گه‌رمیان ده‌ستیپێكردوه‌".

ئاماژه‌ی به‌وه‌ش كردووه‌، "له‌كاتژمێره‌كانی داهاتوودا ته‌واوی سنووری هه‌ڵه‌بجه‌ و شاره‌زوور و سلێمانی و كه‌ركووك ته‌واوی ناوچه‌كانی تری گه‌رمیان ده‌گرێته‌وه‌، له‌گه‌ڵ بارینی به‌فر له‌ناوچه‌ شاخاویه‌كان، ڕێژه‌ی بۆ ئه‌و ناوچانه‌ش پێویست و باشه‌، هه‌روه‌ها كاریگه‌ریشی به‌لاوازی له‌سه‌ر ئیداره‌ی ڕاپه‌رین و كۆیه‌و به‌شێكی سنووری هه‌ولێر ده‌بێت به‌ڕێژه‌ی كه‌م بۆ مام ناوه‌ند".

باسی له‌وه‌ش كردووه‌، "له‌زۆربه‌ی ناوچه‌كانی سنووری هه‌ولێر و ته‌واوی بادینان كاریگه‌ری ته‌واو لاوازه‌ و ته‌نیا له‌ هه‌ندێك شوێنی كه‌م ئه‌گه‌ری نمه‌ بارانی زۆر كه‌م هه‌یه‌، سبه‌ی كاته‌كانی به‌یانی بۆ پێش نیوه‌ڕۆ كاریگه‌ری ئه‌م شه‌پۆله‌ كۆتایی دێت".