سهرۆك بارزانی دوا دەرفەت دەداتە بەغدا
مەسعود بارزانی سەرۆكی پێشووی هەرێمی کوردستان دوا دەرفەت دەداتە بەغدا بۆ رێككەوتن لەگەڵ هەرێمی كوردستان بەمەبەستی چارەسەركردنی كێشەكانی نێوانیان.
مەسعود بارزانی سەرۆكی پێشووی هەرێمی کوردستان و سەرۆكی پارتی دیموکراتی کوردستان دوا دەرفەت دەداتە بەغدا بۆ رێككەوتن لەگەڵ هەرێمی كوردستان بەمەبەستی چارەسەركردنی كێشەكانی نێوانیان، بەرپرسێكی ئەو حزبەش رایدەگەیەنێت: دۆخی ناوچەكە روو لە تەقینەوەیەو بارزانیش تاسەر بێدەنگ نابێت و قسەی جدی دەبێت.
كاكەمین نەجاڕ، ئەندامی مەكتەبی سیاسی پارتی ڕاگەیاند: ناوچەكە بەرەو تەقینەوە هەنگاو دەنێت و ئەگەری سەرهەڵدانەوەی گروپی تیرۆریستی داعش-یش هەیەو خەریكە وردە وردە سەرهەڵبداتەوە، بۆیە بەگشتی چاوەڕوان دەكرێت شتی نوێ ڕووبدات.
سەبارەت بە هەوڵی سهرۆك مەسعود بارزانی و ئەو قسانەی دەكرێن گوایە، تا نەورۆز پەیامێك بڵاودەكاتەوە، كاكەمین نەجاڕ وتی:” هیچ زانیارییەكم لەسەر ئەو بابەتە نییەو بارزاینش تا ئێستا باسی هیچ هەڵوێستێك یان بڕیارێكی نەكردووە بۆ نەورۆز”.
وتیشی: “جەنابی سەرۆك بواری داوەتە حكومەتی هەرێم و عیراق كێشەكانیان چارەسەر بكەن، بۆیە جارێ قسە ناكات و چاوەڕوانە بزانێ هەرێم و بەغدا دەگەنە كوێ، ئەگەر بەمشێوەیە بەغدا بەردەوامبێت و حساب بۆ هەرێمی كوردستان نەكات، ئەوكات نەك هەر سهرۆك بارزانی و پارتی، بەڵكو لەوانەیە حزبەكانی دیكەش بێنە سەرخەت”.
ئەو بەرپرسەی پارتی هۆشداری دەدات و دەڵێت: “ئەگەر بەغداو هەرێم نەگەنە ڕێككەوتن، بارزانی قسەیەكی دیكەی دەبێت”.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە