شۆڤیرێکی تەکسی لە هەولێر موسافیرەکەی کوشت
پەیامی کورد … شۆڤیرێکی تەکسی لە هەولێر موسافیرەکەی کوشت
پۆلیسی هەولێر رایگەیاند، لە شارۆچكەی بنەسڵاوە لەسەر كرێی سەرنشین دەمەقاڵێ لە نێوان شوفێری تەكسیەك و هاوڵاتییەك دروست بووە و بە هۆیەوە شوفێرەكە تەقەی لەو هاوڵاتییە كردووە و كوشتوویەتی.
لە راگەیەنراوێكی پۆلیسی هەولێر هاتووە: "بەشی پۆلیسی قەزای دەشتی هەولێر ئاگادار كرانەوە، بە بوونی رووداوێكی كوشتن، دەستبەجێ هێزەكانی بەڕێوەبەرایەتی پۆلیسی پارێزگای هەولێر گەیشتنە شوێنی مەبەست و دەركەوت، هاووڵاتیەك دوای دروستبوونی دەمەقاڵە لەگەڵ شوفێری تەكسیەك لەسەر كرێی گواستنەوە، شوفێرەكە گوللـەیەك لەسەری ئەو هاوڵاتییە داوە و كوشتوویەتی".
ئاماژەی بەوەشكردووە، تۆمەتبار لە شوێنی رووداو هەڵاتووە و "دۆسیەی لێكۆڵینەوە بۆ ئەم رووداوە كرایەوە و پۆلیس سەرقاڵی لێكۆڵینەوەیە، بۆ ئەوەی بكەری سەرەكی تاوانەكە دەستگیر بكات".
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە