گەشتی ئاسمانی لەنێوان هەولێر و جەددە دەست پێدەكات

پەیامی کورد... گەشتی ئاسمانی لەنێوان هەولێر و جەددە دەست پێدەكات

جێگری كونسوڵی گشتی سعودیە لە هەولێر ڕایدەگەیەنێت لە ئەمڕۆوە گەشتی ئاسمانی نێوان هەرێمی كوردستان و شاری جەددەی سعودیە لەڕێگەی فڕۆكەخانەی نێودەوڵەتی هەولێرەوە دەست پێدەكات.

خالید شەمرانی جێگری كونسوڵی گشتی سعودیە لە هەولێر لەكۆنگرەیەكی رۆژنامەوانیدا ئاشكرایكرد: لە ئەمڕۆوە گەشتی ئاسمانی لەنێوان هەولێر و جەددە دەست پێدەكات و ئەوەش دەبێتە هۆی بەهێزكردنی پەیوەندییە ئابوورییەكانی نێوان هەردوولادا.

ئەوەشی خستەڕوو: گەشتی فڕۆكەوانی نێوان هەولێر و جەددە هەنگاوێكی گرنگە بۆ ئەوەی ئاسانكاری بكرێت تاوەكو راستەوخۆ حاجیان و عەمرەكاران سەردانی سعودیە بكەن، ئەم هەنگاوەش دەبێتە هۆی بەهێزكردنی لایەنی ئابووری و جوڵەی ئابووری لەنێوان سعودیە و هەرێمی كوردستان و عێراق بەگشتی.