وەزارەتی دەرەوەی ئەمریکا: کار دەکەین بۆ چارەسەر کردنی دۆسیەی ئێران

پەیامی کورد … وەزارەتی دەرەوەی ئەمریکا: کار دەکەین بۆ چارەسەر کردنی دۆسیەی ئێران

وەزارەتی دەرەوەی ئەمریكا رایگەیاند، لەگەڵ هاوپەیمانان و كۆنگرێسدا كاردەكەن بۆ چارەسەركردنی دۆسیەی ئێران و لە ئێستادا لە قۆناغی ڕاوێژدان و هیچ هەنگاوێك بە ئاڕاستەی تاراندا نەنراوە.  

ماڵپەڕی ئەلعەرەبییە لەزاری مۆرگان ئۆرتاگۆس، وتەبێژی وەزارەتی دەرەوەی ئەمریكا بڵاویكردەوە، ڕاوێژ لەگەڵ هاوپەیمانەكانیان و كۆنگرێس دەكرێت سەبارەت بە ڕێككەوتنی نوێ لەگەڵ ئێران، چونكە ئەو دۆسیەیە بەلای ئیدارەی ئەمریكاوە زۆر گرنگە.  

ڕونیشیكردوەتەوە، پێویستیان بە هەوڵ و هاریكاری كۆمەڵگەی نێودەوڵەتییە، شتێكی سروشتییە دواتر باس لە دۆسیەی موشەكەكان و بەكرێگیراوەكانی ئێران بكرێت، نێردەی ئەمریكا تایبەت بە ئێران كار لەسەر پێكهێنانی تیمێكی شارەزایان دەكات، تائێستاش لە قۆناغی گفتوگۆدان و هیچ هەنگاوێك بەرامبەر تاران نەنراوە.  

 ناوبراو جەختیشی كردۆتەوە، لە كۆبونەوەی ئەنتۆنی بلینكن وەزیری دەرەوە و هاوتا ئەوروپیەكانی باسی دۆسیەكانی ئێران و چین و كەشوهەوا كراوە.