سەرۆک بارزانی پرسەنامەیەک ئاراسته‌ى سه‌ركردايه‌تیى پارتى ديموكراتى كوردستان- سووريا کرد

سەرۆک بارزانی پرسەنامەیەک ئاراسته‌ى سه‌ركردايه‌تیى پارتى ديموكراتى كوردستان- سووريا کرد

بە بۆنەی كۆچی دوایی محه‌مه‌دئه‌مين حوسێن، ئه‌ندامى كۆميته‌ى ناوه‌ندیى پارتى ديموكراتى كوردستان سووريا (ئەلپارتی)، سه‌رۆك بارزانى پرسه‌نامه‌يه‌كى ئاراسته‌ى سه‌ركردايه‌تى پارتى ديموكراتى كوردستان- سووريا كرد.

دەقی تەواو ئەو پرسەنامەیە کە کۆپییەکی دەستی پەیامی کورد گەیشتووە بە شێوەی خوارەوەیە؛

بەناوی خودای مەزن و دلۆڤان

بۆ خوشكان وبرايان له‌ سه‌ركردايهتى پارتى ديموكراتى كوردستانی/ سوريا

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی كاك محه‌مه‌د ئه‌مين حوسين ئه‌ندامى كۆميته‌ى ناوه‌ندى پارتى ديموكراتى كوردستانی/ سوريا مان پێگەیشت.

خوالێخۆشبوو هه‌موو ژيانى خۆى ته‌رخان كردبوو له‌ پێناو به‌ده‌ستهێنانى ماف وئازادى بۆ گه‌له‌كه‌ىو وڵاته‌كه‌ى.

له‌ كاتێكدا كه‌ سەرەخۆشی لە ئێوه‌ى بەڕێز و تەواوی كاديرانى حزبه‌ تێكۆشه‌ره‌‌كه‌تان و، خزمان و كه‌سوكارى خوالێخۆشبوو ده‌كه‌م . خۆم بە ھاوبەشی خەمتان دەزانم ولە‌ خوای گه‌وره‌ داواکارم گیانی خواليخۆشبوو بخاتە بەر ڕەحمەتی خۆی و ئۆقرەیی و ئارامیش بە ھەموو لایەك ببه‌خشێت.

انا لله وانا الیه راجعون

مسعود بارزانی

29ـی 9ـی 2020