بەپەلە ... وەزیری ووڵاتان لە یەكیتی ئەورووپا لەسەر ڕەوشی عێراق و سووریا كۆدەبنەوە

پەیامی کورد    ...   وەزیری ووڵاتان لە یەكیتی ئەورووپا لەسەر ڕەوشی عێراق و سووریا كۆدەبنەوە  .

نوێنەری حكوومەتی هەرێمی كوردستان لە یەكیتی ئەورووپا رایدەگەیەنێت، ئەمڕۆ وەزیرانی دەرەوەی وڵاتانی ئەندام لە یەكێتیی ئەورووپا كۆبوونەوەیەك ساز دەكەن و تێیدا باسی عێراق و سووریاش دەكرێت.

دلاوەر ئاژگەیی، نوێنەری حكوومەتی هەرێمی كوردستان لە یەكیتی ئەورووپا ڕایگەیاند :، بڕیارە ئەمڕۆ وەزیرانی دەرەوەی ووڵاتانی ئەندام لە یەكیتی ئەورووپا كۆبوونەوەیەك ئەنجام دەدەن و تێیدا كۆمەڵێك تەوەر گفتووگۆیان لەسەر دەكرێت.

ئاژگەیی گوتیشی، یەكێك لە تەوەری كۆبوونەوەی ئەمڕۆ، گفتوگۆكردن دەبێت لەبارەی دۆخی سووریا و عێراق و ناوچەكە.

ئەمەش لە كاتێكدایە ، ماوەی چەند رۆژێكە توركیا ئۆپراسیۆنێكی بۆ سەر رۆژئاوای كوردستان دەست پێكردووە و زۆرینەی ووڵاتانی جیهانیش لەسەر ئەو پرسە هاتوونەتە سەر هێڵ و چاوەڕێ دەكرێت لە كۆبوونەوەی ئەمڕۆی یەكیتی ئەورووپاشدا باسی رۆژئاوای كوردستان بكرێت.