واتسئەپ بە تایبەتمەندییەکی نوێ بەکارهێنەرانی سەرسام دەکات

پەیامی کورد... واتسئەپ بە تایبەتمەندییەکی نوێ بەکارهێنەرانی سەرسام دەکات

پێگەی پەیوەندیکردنی ڕاستەوخۆی «واتسئەپ» تایبەتمەندییەکی نوێی زیاد کردووە و لە ڕێییەوە ٣٢ کەس دەتوانن پەیوەندیی ڤیدیۆیی بکەن.

پێشتر زۆرترین ژمارەی کەسی ڕێپێدراو بۆ پەیوەندیکردنی ڤیدیۆیی تەنیا ٨ کەس بوو، واتە تایبەتمەندییە نوێیەکە ئەم ژمارەیەی کردووەتە ٤ هێندە.

لەم ڕێگەیەوە واتسئەپ نزیک دەبێتەوە لەوەی ببێتە ڕکابەری پێگەکانی دیکەی پەیوەندیکردنی ڤیدیۆیی وەک «زووم».

هەر لەگەڵ ئەم تایبەتمەندییەدا چەندین خەسڵەتی نوێی دیکە زیادکراوە، وەک باکگراوندی نوێ و دیاریکردنی وێنەی کەسی قسەکەر و دیزاینێک لە شێوەی شەپۆلی دەنگیدا.