بەڕێوەبەریی پەروەردەی هەڵەبجە داوایەک ئاراستەی مامۆستایان دەکات

بەڕێوەبەری گشتی پەروەردەی هەڵەبجە، مامۆستا و بەڕێوەبەرەکان و قوتابیان ئاگادار دەکاتەوە، کە ڕۆژی شەممەی داهاتوو دەستدەکرێتەوە بەدەوامی فەرمی.
لە کۆنگرەیەکی رۆژنامەوانیدا، سۆران عومەر بەڕێوەبەری گشتی پەروەردەی هەڵەبجە رایگەیاند، "ئومێد دەکەین ئەو ماوە کەمەی ماوە لە دەوام پرۆسەی پەروەردە و فێرکردن بخەینەوە سەر ڕێچکە ڕاستەکەی خۆی."
وتیشی، ئەمڕۆ چەکی موچەی مانگی یەک، دابەشدەکرێت و بەڕێوەبەرەکان سەرقاڵی ئەوەن موچە دابەش بکەن و ڕۆژی شەممەش دەستبکەنەوە بە دەوام.
جێی ئاماژەیە، کە هەفتەی ڕابردوو خۆپیشاندانی سەرتاسەری لەهەرێمی کوردستان دژی سیستمی پاشەکەوتی موچە بەڕێوەچوو، مامۆستایانیش لەچەند شارو شارۆچکەیەکی هەرێم بایکۆتی هۆڵەکانی خوێندنیان کردووە.