بەهای دراوی تورکیا بۆ نزمترین ئاست لەمێژووی خۆی دابەزی

پەیامی کورد ... بەهای دراوی تورکیا بۆ نزمترین ئاست لەمێژووی خۆی دابەزی

بە هۆی گەمارۆکانی یەکێتی ئەورووپا ئەمڕۆ نرخی لیرەی تورکی گەیشتە نزمترین ئاست کە لە مێژودا تۆماریکردبێت.

بەپیی بۆرسەی جیهانی، ئەمڕۆ سێشەممە نرخی ١٠٠ دۆلاری ئەمریکی بەرامبەر بە ٧٦٣ لیرەی تورکی بوە، ئەوەش کەمترین ئاستە کە لە مێژودا تۆماریکردبێت.

لەوبارەیەوە گۆڵدمان ساکس، شیکەرەوەی بازاڕ ئابورییەکانی تورکیا رایگەیاند، لەسەرەتای ئەمساڵەوە بەهای لیرەی تورکی بەرامبەر بە رێەی ٢٢% کەمیکردوە و لە دوای ساڵی ٢٠١٧وە نیوەی بەهای خۆی لەدەستداوە.

هاوکات ئاژانسی گەرەنتی دارایی تورکیا رایگەیاند، لاوازی سیاسەتەکانی دەرەوەی تورکیا وایکردوە، قەیرانی بودجەی پارە دراوەکان لە تورکیا دروست بکات و هیچ  هیوایەک بۆ باشبونی رەوشی دارایی تورکیا نابینرێت.