کاتی ڕادەستکردنی سیستەمی ئێس - ٥٠٠ بە ئەرتەشی ڕووسیا ڕاگەیندرا

پەیامی کورد     ...    کاتی ڕادەستکردنی سیستەمی ئێس - ٥٠٠ بە ئەرتەشی ڕووسیا ڕاگەیندرا .

ئالێکسی کریۆرووچکۆ ، جێگری وەزیری بەرگری ڕووسیا بە گۆڤاری ڕووسی " بەرگری نەتەوەیی " " ناسیۆنالنایا ئابارۆنا " ڕایگەیاند : هێزە چەکدارەکانی ڕووسیا بە نیازە یەکەمین سامانەی مووشەکی بەرگری ئاسمانی ئێس - ٥٠٠ لە ساڵی داهاتووی میلادیدا بگرێتە دەست .

بە پێی ڕاپۆرتێک ، جێگری وەزیری بەرگری ڕووسیا ڕایگەیاند لەبەرچاوە و بە نیازین ڕێکەوتنامەی دەوڵەتی بۆ کڕینی ئێس - ٥٠٠ لە ساڵی ٢٠٢١ دا واژوو بکەین کە لەم ڕێکەوتنەدا ڕادەستکردنی ئەم سیستەمە مووشەکییە بە ئەرتەش تا ساڵی ٢٠٢٥ پێش بینی کراوە .

ئەو هەروەها جەختی کردەوە ئێستا قۆناغی تاقیکردنەوە سەرەتاییەکان ئەنجام دراوە و بەشی ماددی " ئەم مووشەکانە " لە مەیدانی تاقیکردنەوەدان .