بەپەلە ... ڕاگەێندراوی دەزگای خێرخوازی بارزانی لە سەر دەست بە سەر کردنی بەرپرسی ئەم دەزگایە لە شەنگال
پەیامی کورد ... دەزگای خێرخوازی بارزانی لە ڕاگەیندراوێکیدا بۆ ڕای گشتی ئاشکرای دەکات کە ڕۆژی (٢٨\٤\٢٠١٩) له كاتی پێشكهشكردنی هاوكاری بە خهڵكی ناوچەی شەنگال له لایهن دهزگای خێرخوازی بارزانی و ڕێكخراوی كهنیسهی لێبراسكای ئهمریكاوە، چەکدارانی پەکەکە ههڵدهكوتنه سهر كارمهندان و بهرپرسی ئۆفیسی دهزگای خێرخوازیی بارزانی له شەنگال و زیندانی دەکەن، دەزگاکە داوا له حكوومهتی عێراق و نهتهوه یهكگرتووهكان و هێزی هاوپهیمانان و ڕێكخراوه مرۆییهكان له جیهاندا دهكات ڕێگه نهدهن گرووپه چهكدارهكانی دهڤهری شنگال ئهو ناوچهیه بكهنه گۆڕهپانی ململانێی خۆیان، چوونكه خهڵكی سڤیلی شەنگال پێویستیان به زیاتر بههاناوهچوون و باشتركردنی ڕهوشی ژیان و بۆنیاتنانی ژێرخانی دهڤهرهكه ههیه.
له ڕۆژی یهكهمی داگیركردنی شەنگال له لایهن تیرۆریستانی داعشهوه، ئێمه وهكو دهزگای خێرخوازی بارزانی له ڕێگهی فڕۆكه و ئۆتۆمبێلهوه هاوكاریی مرۆییمان گهیاندووەته خهڵكی سهربهرزی شەنگال و تهنیا دهزگاش بووین كه خهڵكی سڤیلی ئهو دهڤهرهمان بهتهنیا جێ نههێشتووه، بۆ ئهوهی له نزیكهوه پێداویستییهكانی وهكو ئاو، كارهبا، قوتابخانه، بنكهی تهندروستی و جلوبەرگ و خۆراک و سهرپهنایان بۆ دابین بكهین. ئۆفیسێكمان لهسهر چیای شەنگال كردووەتهوه.
له كاتی بەڕێوەبردنی ئهم ئهركه مرۆییهدا، چهندین جار له لایهن چهكدارانی پهكهكهوه ڕێگری له تیمهكانمان كراوه و پهلاماری ئۆفیسی دهزگا دراوه كه لهسهر چیای شەنگاله، بهڵام بۆ ئهوهی بتوانین بهردهوام بین له خزمهتكردن به خهڵكی دهڤهری شەنگال بێدهنگیمان بهرانبهر چهكدارانی پهكهكه ههڵبژاردووه و ڕۆژ به ڕۆژ زیاتر هاوكاریمان پێشكهشی خهڵكی ئهو دهڤهره كردووه و له كۆنفرانسه نێودهوڵهتییهكاندا دهنگی شەنگال و شەنگالییهكانمان گهیاندووەته ڕێكخراوه مرۆییه جیهانییهكان. بهڵام بهداخهوه دیاره چهكدارانی پهكهكه لهسهر ههڵوێستی نامرۆڤانهی خۆیان بهردهوامن و ڕۆژی (28\4\2019) له كاتی پێشكهشكردنی هاوكاری بە خهڵكی شنگال له لایهن دهزگای خێرخوازیی بارزانی و ڕێكخراوی كهنیسهی لێبراسكای ئهمریكاوە ههڵدهكوتنه سهر كارمهندانمان و بهرپرسی ئۆفیسی دهزگای خێرخوازی بارزانی له شەنگال دهگرن و زیندانی دهكهن.
له كاتێكدا بهتوندی ئیدانهی ئهم ههڵوێستهی چهكدارانی پهكهكه دهكهین، هاوكات بۆ ڕای گشتی ڕایدهگهیهنین كه چیتر ناكرێت و ناتوانین بهردهوام بین له پێشكهشكردنی هاوكاری بۆ خهڵكی دهڤهری شنگال، چونكه ڕهفتاری چهكدارانی پهكهكه له شنگال بارگاوییه له توندووتیژی و دژی خهڵكی سڤیلی دهڤهری شنگال و ڕێكخراوه خێرخوازی و مرۆییه ناوخۆی و نێودهوڵهتییهكان. ئهمهش وا دهكات ژیانی خۆبهخش و كارمهندانی دهزگاكهمان له مهترسیدا بێت.
داوا له حكوومهتی عێراق و نهتهوه یهكگرتووهكان و هێزی هاوپهیمانان و ڕێكخراوه مرۆییهكان له جیهاندا دهكهین ڕێگه نهدهن گرووپه چهكدارهكانی دهڤهری شەنگال ئهو ناوچهیه بكهنه گۆڕهپانی ململانێی خۆیان، چوونكه خهڵكی سڤیلی شەنگال پێویستیان به زیاتر بههاناوهچوون و باشتركردنی ڕهوشی ژیان و بۆنیاتنانی ژێرخانی دهڤهرهكه ههیه.
دهزگای خێرخوازیی بارزانی
30\4\2019
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە