نێچیرڤان بارزانی له‌گه‌ڵ سه‌رۆک وه‌زیرانی قه‌ته‌ر کۆدەبێتەوە‌

پەیامی کورد    ...    نێچیرڤان بارزانی له‌گه‌ڵ سه‌رۆک وه‌زیرانی قه‌ته‌ر کۆدەبێتەوە‌

 نێچیرڤان بارزانی، سه‌رۆکی هه‌رێمی کوردستان، له‌گه‌ڵ  شێخ عه‌بدوڵڵا بن ناسر بن خه‌لیفه‌ ئال سانی، سه‌رۆک وه‌زیرانی قه‌ته‌ر، دوایین ڕووداو و پێشهاته‌کانی دۆخی ناوچه‌که‌ی تاوتوێ کرد.

له‌ کۆبوونه‌وه‌یه‌کدا له‌ یه‌که‌م ڕۆژی به‌شداریکردنی له‌ کۆبوونه‌وه‌ی گرووپی سه‌ره‌کی کۆنفرانسی ئاسایشی میونیخ له‌ قه‌ته‌ر، له‌ ده‌وحه‌ی پایته‌خت، پێشنیوه‌ڕۆی ئه‌مڕۆ سێشه‌ممه ٢٩/١٠/٢٠١٩  سه‌رۆکی هه‌رێمی کوردستان و سه‌رۆک وه‌زیرانی قه‌ته‌ر، هه‌روه‌ها په‌یوه‌ندییه‌کانی هه‌ولێر - به‌غدا و په‌یوه‌ندییه‌کانی قه‌ته‌ر له‌گه‌ڵ عیراق و هه‌رێمی کوردستان، ده‌رفه‌تی کار و وه‌به‌رهێنه‌رانی قه‌ته‌ری له‌ هه‌رێمی کوردستان و چه‌ند پرسێکی مایه‌ی بایه‌خی هه‌ردوولایان باس کرد.