فیفا لە نامەیەکدا بۆ بەرپرسانی ئێران داواکاری بەشدار بوونی ژنانی ئێرانییە لە پاڵەوانیەتی ٢٠٢٢ دا

پەیامی کورد    ...    بەڕیوبەری گشتی فیفا لە نامەیەکدا داوای لە فێدراسیۆنی فووتبۆڵی ئێران کردووە لە یاریگاکانی ئەم ووڵاتەدا ئیزنی ئامادەبوونی ژنان بدرێت .

بە پێی ڕاپۆرتێک ، جیانی ئینفانتینۆ ، بەڕیوبەری گشتی فیفا داوای لە فێدراسیۆنی فووتبۆڵی ئێران کردووە لە یاریگاکانی ئەم ووڵاتەدا ئیزنی ئامادەبوونی ژنان بدرێت تاکوو بتوانن لە مەرحەلەی سەرەتایی جامی جیهانی ٢٠٢٢ بەشداری بکەن .

 لە نامەکەی فیفا دا بۆ فێدراسیۆنی ئێران هاتووە : بەداخەوە ، ئێران لە بەدی هێنانی وەعدەکانی حەسەن ڕۆحانی ، سەرۆککۆماری ئەو ووڵاتە لە مانگی مارچی ٢٠١٨ دا سەبارەت بە ئیزنی ئامادەبوونی ژنان لە پاڵەوانیەتی فووتباڵ دا سەرکەوتوو نەبوو .

هەربۆیە داوا لە فێدراسیۆنی فووتباڵی ئێران و بەرپرسانی دەوڵەتی دەکەم تاکوو پێش ١٥ی مانگی جووڵای بڕیارێک بدەن و بە هەموو ژنانی ئێرانی و بیانی ئیزنی کڕینی بلیت و ئامادەبوون لە پاڵەوانییەتی مەرحەلەی سەرەتایی جامی جیهانی قەتەر لە ساڵی ٢٠٢٢ ، کە لە سێپتەمبەری ٢٠١٩ ەوە دەست پێدەکات بدەن .