هاوسەرۆکی هەدەپە : «ڕێز له مافی ژیان بگرن و كۆتایی به گهمارۆی سهر عهفرین بێنن»
لە ڕاگەیاندنێکدا هاوسهرۆكی گشتیی ههدهپه ڕایدەگەیەنێت ئەو کارەی تورکیا لە عەفرین دەیکات داگیرکارییە و هەمان کاری ئیسرائیلە کە لەغەززە ئەنجامی دەدات.
لە وتەیەکیدا " سهزای تهمهللی " لە کۆبوونەوەی " هەدەپە "دا ، سەبارەت بە داگیرکارییەکانی تورکیا بۆ سەر عەفرین، ڕووی لە حکومەتی تورکیا کرد و وتی "ئێوە به ناردنی ئهو چهكدارانهی سوپای ئازاد ئارامی تێكدهدهن. ماوهی ٥٣ ڕۆژه عهفرین بۆمباران دهكرێت، بهڵام له لایهكی دیكهوه دهڵێن: ئێمه داگیركهر نین. ئیسرائیل-یش بۆ غهززه ههمان شت دهڵێت، بهڵام غهززهی داگیركردووه."
هەرەها وتیشی " ئێستا ئێوهش له عهفرین داگیركاری دهكهن. ئێوه داگیركهرن. ئهگهر له دهرهوهی سنوورهكانتان هیچ مافێكتان نهبێ و بهم ڕێبازه بهدهستی بێنن، بهمه دهگوترێت داگیركهری. له ئهدهبیاتدا وههایه و له پهیمانهكانی نهتهوهیهكگرتووهكانیش ههر وههایه. "
«ڕێز له مافی ژیان بگرن و كۆتایی به گهمارۆی سهر عهفرین بێنن»
سهزای تهمهللی له وتهیەکی دیكهیدا سهرنجی خسته سهر كوشتنی منداڵان له لایهن دهوڵهتی توركیا و چهتهكانی له عهفرین و وتی: له عهفرین منداڵان دهمرن.
«كاتێك مرۆڤ سهیری مێدیای توركیا دهكات، دهبینێت ههر ڕۆژ ههواڵی كۆنتڕۆڵكردنی عهفرین بڵاودهكهنهوه و دهڵێن لهم كاتژمێرهدا عهفرین گهمارۆ دهدهین و له فڵانه دهڤهرهوه دهچنه نێو عهفرین. وهك ئهوهی له عهفرین سهدان ههزار مرۆڤ نهبن، پڕوپاگهندهی شهڕ دهكهن. گهمارۆ خراوهته سهر عهفرین ، كۆتایی بهو گهمارۆیه بێنن. ڕێز له مافی ژیانی عهفرینییهكان بگرن. مرۆڤهكانی عهفرین نموونهن بۆ پێكهوهژیانی مرۆڤهكان. ئهوان پیشانیان دا كه مرۆڤهكان دهتوانن به ئاشتی پێكهوه بژین.»
هەواڵە گرنگەکان
هەواڵە پەیوەندیدارەکان
- 31 يوليو 2022
هاوسەرۆکی هەدەپە و وەزیری دەرەوەی ئاڵمانیا کۆبوونەوە
- 25 أكتوبر 2023
هێشتا لێدوان نییە. یەکەمین لێدوان بنووسە!
لێدوانی خۆت بنووسە