Texmînên 2026an ên bihayê zêr û zîv hatin nûkirin

PeyamaKurd - Di demekê ku bazarên Cîhanê ketiye bin bandora rageşiya navbera Amerîka û Îranê de, biryarên faizê yên FEDê û qedexeyên hawirdekirinê yên Hindistanê rûbirûyî guhertinên tund dibin.

Bankayên navneteweyî texmînên xwe yên ji bo sala 2026an nû kirin. Tevî ku hefteya borî onsa zêr ji sedî 3,8 û ya zîv ji sedî 5,5 nirx winda kiribe jî, bazarê di destpêka hefteya nû de berê xwe da bilindbûnê.

Li gorî daneyên dawî yên 18ê Gulanê li bazarên herêmî û navxweyî bihayê gramê zêr gihîşt asteke dîrokî û bû 6 hezar û 657 TL, herwiha gramê zîv jî ber bi bilindbûnê ve diçe.

Texmînên 2026an: JPMorgan, Goldman Sachs û UBS

Saziyên mezin ên aboriyê ji bo paşeroja metalên xwedî nirx senaryoyên geşbûnê dikin. JPMorgan texmîna xwe ya nîvê sala 2026an daxist 5 hezar û 243 dolaran, lê destnîşan kir ku onsa zêr dê di dawiya salê de bibe 6 hezar dolar.

Goldman Sachs ji bo nirxê 5 hezar û 400 dolar texmîn kir û Deutsche Bankê jî asta 5 hezar û 500 dolarî nîşan da. Her çend saziyên wekî Morgan Stanley (4.600$) û HSBC (4.587$) dudilî bin jî, helwesta giştî ber bi bilindbûnê ve ye.

Di warê zîv de, rapora herî balkêş ji aliyê UBSê ve hat parvekirin ku li gorî texmîna wê, onsa zîv ji ber daxwaza pîşesaziyê dikare bighîje 100 dolarî. Hevdem HSBC texmîna xwe ya zîv ji bo sala 2026an wekî 75 dolar nû kir û JPMorgan jî ji ber kêmiya arza gerdûnî, armanca xwe wekî 81 dolar eşkere kir.