Îran bo DYAyê: Ev tê wateya berfirehkirina şer

PeyamaKurd - Hêzên Çekdar ên Îranê, di daxuyaniyekê de derbarê dorpêça deryayî ya DYA de got, "Em vê gavê DYA wekî berfirehkirina şer li herêmê dibînin."

Baregeha Navendî ya Xetam el-Enbiya, yekîneya Hêzên Çekdar ên Îranê ku şer birêve dibe, diyar kir ku dorpêça deryayî ya DYA wekî berfirehkirina şer li herêmê tê hesibandin.

Daxuyaniya ji baregehê nîşan da ku DYA di sê rojên dawî de gef li keştîyên bazirganî û tankerên petrolê yên ku di avên xakî û peravên Îranê de diçin kiriye.

Daxuyaniyê destnîşan kir ku ev kiryar bêewlehiyê li herêmê zêde dike û got, "Em vê gavê DYA wekî berfirehkirina şer li herêmê dibînin. Wekî ku Hêzên Çekdar ên Îranê berê li ser erdê nîşan dane, ew ê tu gef an êrîşkariya artêşa DYA bêbersiv nehêlin û wê bersiva pêwîst bidin."

Fermandariya Navendî ya DYAyê (CENTCOM) ragihand ku, wekî beşek ji dorpêça deryayî ya li dijî Îranê, rêyên 17 keştîyên bazirganî hatine guhertin, 2 keştî ji xizmetê hatine derxistin, û 2 keştî ji bo misogerkirina pabendbûnê hatine serdegirtin.