Anne Carson Xelata Nobelê ya Wêjeyê wergirt

PeyamaKurd - Akademiya Swêdê îro 8ê cotmehê ragihand ku Xelata Nobelê ya Wêjeyê ya sala 2026an bo helbestvan û nivîskara Kanadayî Anne Carson hatiye dayîn.

Di daxuyaniya akademiyê de hat gotin ku Carson di berhemên xwe de sînorên navbera celeban radike û helbest, gotar û rexneya wêjeyî bi awayekî xwerû hûnandiye.

Carson ku niha li New Yorkê dijî, ji bilî nivîskariyê wekî wergêr û lêkolereke wêjeya klasîk jî tê naskirin. Wê berê jî gelek xelatên navdewletî wergirtine.

Xelata Nobelê ya îsal bi qasî 11 milyon kronên swêdî (nêzîkî 1.2 milyon dolar) e.