Wezîrê Derve yê Iraqê pîrozbahî li Nêçîrvan Barzanî kir

PeyamaKurd – Wezîrê Derve yê Iraqê Muhammed Ali el-Hekim, di peyendiyeke telefonî de pîrozbahî li Serokê Hilbijartî yê Herêma Kurdistanê Nêçîrvan Barzanî kir.

El Hekîm hêviyên xwe anîne zimên ku peyendiyên Hewlêr û Bexdayê baştir bibin û pirsgirkên heyî bi rêya gotubêjan bên çareserkirin.

Ji aliyê xwe ve Nêçîrvan Barzanî di wê peywendiya telefonî de spasia el Hekîm kir û diyar kir ku ji bo pêşdebirina peywendiyên Herêma Kurdistanê û Bexdayê amade ne û bi heman şêweyî destnîşan kir ku divê pirsgirêkên di navbera herdu aliyan de bi rêya guftugoyan bên çareserkirin.

Nêçîrvan Barzanî 28ê Gulanê di dengdana Parlamentoya Kurdistanê de, ji 81 beşdarên parlamentoyê dengê 68an wergirtibû û wekî Serokê Herêma Kurdistanê hatibû hilbijartin.