Ji 50 hezar girtiyên terorê yên Iraqê 25 hezarê wan cezayê îdamê standine

PeyamaKurd - Wezareta Dad ya Iraqê ragihand ku 50 hezar kes bi tometa terorê hatine ceza kirin ku nîvê wan jî cezayê darvekirinê li ser wan hatiye sepandin.

Berdevkê wezareta dadê ya Iraqê Ehmed Leibî eşkere kir, nîvê wan 50 hezar girtiyên niha di girtîgehan de ne, cezayê darvekirinê ji wan re hatiye dayîn.

Ehmed Leibî daye xuyakirin, ji sedî 90ê wan kesên ku cezayê darvekirinê ji wan re hatiye dayîn, cezayê wan nehatiya bicih kirin, ji ber ew ceza negihîştiye rêkarên asta dawî yan jî serokomar hîn îmze nekirine.