Almanya wê sîstemên patriot û leşkeran li Tirkiyeyê bi cih bike

PeyamaKurd - Almanyayê ragihand ku ew ê heta dawiya Hezîranê Yekîneyeke Parastina Patriot û 150 leşkeran li Tirkiyeyê bi cih bike.

Li gorî vê yekê, Hêzên Çekdar ên Alman (Bundeswehr) wê di dawiya Hezîranê de bi Hêza Peywirê ya Parastina Hewayî û Moşekan a Patriot li Tirkiyeyê piştgiriyê bidin parastina hewayî ya yekbûyî ya NATOyê li baskê wê yê başûrê rojhilat.

Li gorî daxuyaniyek nivîskî ya Wezareta Parastinê ya Alman di 18ê Gulanê de, tê payîn ku mîsyon heta Îlonê bidome.

Hêza peywirê ya Alman wê li herêmê şûna yekîneyeke Amerîkî bigire

Sîstema Patriot wê ji hêla 1emîn Eskadrona Moşekên Parastina Hewayî ya Almanya ve ku li Husumê ye were peydakirin.

Daxuyaniya Almanya piştî ji nû ve aktîvkirina Mekanîzmaya Diyaloga Stratejîk a di navbera Tirkiye û Almanya de piştî navberek 12 salan tê.

Civîna sêyemîn a mekanîzmê di 18ê Gulanê de li Berlînê, bi serokatiya Wezîrê Derve yê Tirkiyê Hakan Fidan û Wezîrê Derve yê Almanya Johann Wadephul pêk hat.