Amerîkayê sînordariyên ser qada asmanî ya Karayîpan betal kir

PeyamaKurd- Wezîrê Veguhastinê yê Amerîkayê Sean Duffy ragihand ku sînordariyên li ser qada asmanî ya Karayîpan, ku piştî operasyona li ser Venezuelayê hatibûn danîn, bi dawî bûne. Duffy diyar kir ku sînordarî li gorî dema herêmî nîvê şevê hatine rakirin û bi nûkirina bernameyên firînê re geşt dê dîsa dest pê bikin.

Şîrketên balafiran amadekariyên xwe temam kirin

Şîrketên balafiran United û Delta ragihandin ku ew amadekariyên xwe dikin da ku bernameyên xwe yên asayî bicîh bînin. United Airlinesê da xuyakirin ku ew plan dikin îro piraniya geştên xwe yên ber bi herêmê ve pêk bînin. Delta Airlinesê jî destnîşan kir ku ji bo vegera li bernameya asayî hin sererastkirin hatine kirin û dê îro geştên wan ên Karayîpan bi awayekî normal dewam bikin.