Amerîkayê xeta herî stratejîk a bazirganiya Îran, Çîn û Rûsyayê bombebaran kir

PeyamaKurd - Medyaya fermî ya Îranê ragihand ku di encama êrîşên esmanî yên du rojên dawî yên Amerîkayê de, pira trênê ya giring a bi navê Aq Taqeh Khan a li parêzgeha Golestanê ya li bakurê welat hatiye armanc girtin û rûxandin.

Ev xeta trênê, wekî yek ji rîyên herî stratejîk û bingehîn ên bazirganiyê di navbera Îran, Çîn û Rûsyayê de tê naskirin û ji bo veguhastina kelûpelan girîngiyeke pir mezin dihewîne.

Ev xeta polatî ya ku di ser axa welatên wekî Turkmenîstan û Kazaxîstanê re derbas dibe, girêdaneke pir bihêz a bejayî di navbera Tehran û Pekînê de ava dike û derfetê dide ku peywendiyên aborî û bazirganî yên herêmî di asteke bilind de bên tomarkirin.

Girîngiya vê xeta bejayî bi xezkirineke taybet di destpêka vê salê de hêj zêdetir bû, gava ku Amerîkayê dorpêçeke giran li ser bendergehên deryayî yên Îranê ferz kir daku pêşî li bazirganiya deryayî bigire.

Ji dawiya sala borî ve, Rûsyayê jî ev rê bi awayekî çalak ji bo veguhastina barên xwe yên mezin û şandina kelûpelan bo Îranê bi kar dianî daku rê li ber her cûre valahiya aborî bê girtin.

Li gorî daxuyaniyên çavkaniyên nûçeyan ên Îranê, tevî ku zerareke berçav gihîştiye vê binesaziyê, lê tîmên teknîkî dest bi xebatê kirine û tê çaverêkirin ku karê nûkirin û çakkirina pira trênê di demeke pir kurt de bi dawî bibe.