Rejîma Îranê ji bo giraniya xwe deyne ser Sûriyê Zerîf sand Samê

PeyamaKurd - El-Erebiyeyê bi zarê dîplomatan ragihand ku Wezîrê Derve yê Îranê Cewad Zerîf îro Duşemê gihîştiye Şamê û mebesta wê serdanê gihandina nameyê ji rejîma Sûriyê re ye ku Tehran piştevaniya xwe berdewam dike.

Li gorî El-Erebiye Zerîf hewl dide giraniya Îranê ligel hevsengiya giraniya Rûsyayê li Sûriyê piştrast bike û balê bikişîne ser girêdana Tehranê bi mayîna El-Esed re.

Serdana Zerîf li gel nîşaneyên li ser guhartina Rûsyayê ya stratejiyên xwe li Sûriyê bi dudiliya serweriya rejîmê li hin deverên ku birine mîna Dera û pêşketina wê li derdora Seraqibê, pêk hat.

#Iran's foreign minister @JZarif arrived in Damascus and was welcomed by #Syria's deputy foreign minister in the airport. Zarif will meet Syrian president and foreign minister later in the day. pic.twitter.com/5uw7kA8sg3

— Abas Aslani (@AbasAslani) April 20, 2020

Wezareta Karên Derve ya Îranê jî ragihand ku dê serdana Zerîf a Şamê rojekê bidome da ku nîqaşên dualî, pêşketinên li herêmê û yên meydanî pêk bînin û dê di serdanê de Welîd El-Muellîm jî bibîne.

Zerîf 16ê Nîsana 2019an jî serdana Sûriyê kiribû û bi Esed re civiyabû.